Napapansin Mo Ba?

Ang (ulap) ay pula, tumingala ka kaya, nang iyong makita...

Kanina, bandang alas-4 ng hapon sa opisina, nasilip ko na malakas ang hangin sa labas. Parang uulan. Binuksan ko ang mga blinds sa kwarto, dahil gustong gusto kong pinapanuod ang ulan. Gustong gusto kong maligo sa ulan, magtampisaw, mabasa sa ulan. Gustong gusto ko ang ulan, o ang panahon na umuulan.

Ngayon, pagtingin ko sa bintana, orange na yung ulap, lumaon nagiging pula. Sinabi ko pa nga sa mga kaopisina. Si Mark, may dalang camera, sabi nya, kukuhanan nya. Pero ang lumalabas sa LCD nya, grey na ulap. Sabi ko, optical illusion lang pala.

Dahil gusto ko ng pula. At ilusyon ko ang mga ulap.

Tumingala ka na. Nang iyong makita...