Tokwa vs. Tofu (sa pananaw ng isang matakaw)

Nagdala si Cha ng curry tokwa/tofu specialty nya nung Saturday sa birthday party ni Che.

Hindi ko natikman, kaya hindi ko alam kung tofu or tokwa yung dala nya. And someone would say "pareho lang naman ang tofu at tokwa" and I would always insist na hindi sila pareho. I was a vegetarian, and matagal tagal na din napamahal sa kin ang tokwa (ayoko ng tofu), bago pa man ako maging vegetarian. Hindi naman espesyal ang tokwa o tofu, mahilig lang talaga ako dun. Lalo na't wala naman ako gaanong choice sa kakainin noon. Kaya din minsan, hindi ko maintindihan ang mga tao na sinasabing favorite nila ang tokwa o tofu, especially kung di naman sila mahilig sa tokwa o tofu nang makilala ko sila. Hindi naman masarap ang tokwa o tofu. Sawsawan o seasoning lang nya ang masarap.

Simple lang naman lagi ang explanation ko sa usapin na "magkaiba ang tofu at tokwa" -- ang tokwa, when fried, matigas/malutong. Ang tofu hindi. Kahit sunugin mo ang tofu, hindi sya titigas or lulutong.

Sabi ni Cha, na isang chef, pareho lang ang tokwa at tofu. Sino ba naman ako to contest? Eh kumakain lang ako, hindi ko naman pinag-aralan at kinabubuhay ang mga kaalaman sa pagkain. Pero bilang isang kumakain, mali ba ako na hindi pareho ang tokwa at tofu base sa aking explanation? Totoo namang hindi mo mapapalutong ang tofu. Kung bakit, hindi ko alam.

Sabi ni Cha, may iba't ibang klase lang ng tofu. May silken tofu, may samting tofu... di ko na maalala yung iba. Silken tofu na lang naalala ko. Dahil technically, ang tofu na kilala natin at ang tofu na tinutukoy ko ay ang silken tofu! Ang tokwa ay ang firm tofu. So technically, pareho silang uri ng tofu. Pero hindi natin sila kilala na parehong tofu. Or at least ako, hindi ko sila kilala bilang parehong tofu. Kilala ko sila bilang tokwa at/o tofu. Kumbaga, by default, pag sinabi mong tofu, ang iisipin ko, yung malambot na bean curd (o para sa akin ay kung ano ang tofu, na definitely ay hindi tokwa).

Pag nakakita ka ng tofu cubes sa pinggan mo - yung malambot na kulay gatas, sasabihin mo bang, tokwa yun?

Salamat kay Cha sa pagpapaalala sakin sa silken tofu. So oo, pareho lang silang tofu. Pero hindi "pareho lang naman ang tokwa at tofu" dahil ang una ay firm, ang ikalawa ay silken, by default, sa pagtukoy, sa ating language game. Hindi mo naman nire-refer na 'tokwa' ang malambot na tofu, di ba?

So sa usaping ito, by default - ang tofu ay yung malambot na bean curd o silken tofu. At ang tokwa ay yung matigas na bean curd, o firm tofu. Pero sa normal na usapan, kaya mo bang kumain ng tofu't baboy na nakababad sa suka't toyo na may sibuyas at sili? Kung kaya mo, then, pareho nga ang tokwa at tofu.